It-team nazzjonali malti tar-Rugby Union beda l-impenji tiegħu fil-FIRA-AER Conference South 1 b’telfa ta’ 14-23 kontra l-Bulgarija fit-Tony Beżżina Stadium is-sibt wara nofs-in nhar.
Kienet logħba iddominata kważi għal kollox mill-bulgari, bil-maltin wettqu bosta żbalji u anke fouls li rregalaw penalties lill-avversarji. Avversarji li approfittaw minn dawn il-penalties.
It-team bulgaru iddomina għal kollox l-ewwel taqsima tant li daħal jistrieħ b’vantaġġ ta’ 16-0 fuq il-maltin.
Il-bulgari komplew fejn ħallew u fil-bidu tat-tieni taqsima għamlu try u conversion oħra biex tellgħu l-iskor għal 23-0.
Kien wara kwarta logħob tat-tieni taqsima li bdiet ir-reazzjoni tal-plejers maltin.
Liam Scicluna għamel try filwaqt li Chris Dudman skorja l-conversion biex għamel l-iskor 23-7.
Try ta’ Jethro Zammit Endrich ftit wara u conversion Chris Dudman komplew naqqsu d-distakk għal 23-14.
Biss ir-reazjoni maltija waslet tard biex finalment kienu l-bulgari li kkontrollaw il-vantaġġ u ħarġu rebbieħa.
Malta issa terġa’ tkun fl-azzjoni is-sibt li ġej b’logħba barra minn xtutna kontra s-Slovenja.
Formazzjoni ta’ Malta
R. Apsee, T. Davey, D. Cerketa, M. Barbara, C. Sultana, D. Apsee, M. Davey, J.J. Micallef, T. Holloway, R. Holloway, D. Busuttil, C. Dudman, B. Dalton, J. Zammit Randic, P. Ioffe
Formazzjoni tal-Bulgarija
D. Ivanov, K. Petkov, L. Traykov, D. Georgiev, I. Filipov, V. Mihov, V. Peychev, A. Tenev, V. Borisov, K. Pavlov, S. Odadzhiyski, S. Debrenliev, R. Attye, I. Dimitrov, K. Debrenliev
Referee: Lukasz Jazinski (Polonja)
