Il-Queen żvelaw kanzunetta li qatt ma kienet instemgħet qabel: kanzunetta emozzjonanti li rrekordjaw ma’ Freddie Mercury fl-1988.
Id-diska Face It Alone, li l-kantant irrekordja waqt is-sessjonijiet għall-album The Miracle tal-1989, indaqqet għall-ewwel darba llum minn Ken Bruce ta’ BBC Radio 2.
REKLAM
SKROLLJA BIEX TKOMPLI
“Sibna ġawhra żgħira minn Freddie, li kienu nsewha,” qal id-drummer Roger Taylor dwar din id-diska.
“Hija sabiħa ħafna… mimlija passjoni.”
Il-kanzunetta hija waħda mis-sitt tracks li għadhom qatt ma nstemgħu u li se jkunu parti minn box set imsejjaħ The Miracle. Erbgħa minn dawn id-diski għandhom leħen Freddie Mercury.
