Tifla ta’ tliet snin l-isptar wara li ntlaqtet minn karozza f’Ta’ Xbiex

Tifla ta’ tliet snin weġġgħet gravi f’inċident tat-traffiku li seħħ dalgħodu għall-ħabta tal-ħdax u nofs fi Triq l-Abate Rigord f’Ta’ Xbiex.

Jirriżulta li t-tifla ntlaqtet minn vettura li kienet qed tinstaq minn raġel ta’ ħamsa u tletin sena minn Birkirkara.

Hija ttieħdet l-Isptar Mater Dei minn xi qraba u aktar tard ġiet iċċertifikata li sofriet minn ġrieħi gravi.

L-investigazzjonijiet tal-Pulizija għadhom għaddejjin.