L-ispirtu t’Alla u Ommu fl-ewwel episodju ta’ ”Iċ-Ċavetta ta’ Pandora”

Kylie u żewġha Vincent jibdew jaħdmu bħala investigaturi paranormali għall-programm il-ġdid ta’ Ruth Frendo, li jismu ‘Iċ Ċavetta ta’ Pandora‘. Kemm Kylie kif ukoll Vincent għandhom labbiltà li jikkomunikaw mal-ispirti. L-ewwel każ tal-koppja hu l-ispirtu t’Alla u Ommu, hekk kif tul is-snin diversi persuni ltaqgħu ma’ tfajla li talbithom l-għajnuna, biex imbagħad sparixxiet.

Sadattant, il-koppja trid tiffaċċa trawma li tkun għaddejja minnha, waqt li Julian, ħu Vincent li qed joqgħod għal xi ġranet għandhom, xejn mhu qed jgħin. Jieħdu sehem Claire Marie Busuttil, Clayton Pace, Ruth Frendo, Holly Micallef u Patrick Tanti. B’kitba u direzzjoni ta’ Ruth Frendo, il-produzzjoni hi ta’ Pro.Motion Limited. Dan il-proġett hu megħjun mill-Kunsill Malti għall-Arti.

Segwi hawn silta’ mill-ewwel episodju li ser jixxandar illejla fid-9pm fuq ONE.