Ħaddiema tas-salvataġġ fil-Filippini jinġarru mal-ilmijiet ta’ tifun u jitilfu ħajjithom

Ħames ħaddiema tas-salvataġġ fil-Filippini nqatlu f’tifun li ħalla numru ta’ djar mgħerrqa u miljuni bla elettriku.
Dawn il-ħaddiema nġarrew mal-ilmijiet waqt li kienu għaddejjin b’operazzjonijiet ta’ salvataġġ fid-distrett ta’ San Miguel, fin-naħa ta’ fuq tal-kapitali Manila.
Dan id-distrett huwa fost dawk li ntlaqtu ħażin ħafna mit-tifun Noru, b’uħud mir-residenti spiċċaw fuq is-saqaf ta’ darhom u oħrajn ippruvaw jgħaddu minn postijiet fejn l-ilma m’għoliex ħafna biex jgħaddu l-provvisti lil residenti oħra.