“Lejl qabel inqatel Mario Farrugia, l-akkużat kien aġitat għax ried il-flus għad-droga” – xhud fil-Qorti

Il-lejl ta’ qabel inqatel Mario Farrugia, Elliot Paul Busuttil kien aġitat għax ried il-flus biex jixtri d-droga.

Xehdet dan fil-Qorti, Rumena, li spjegat li fit-28 ta’ Marzu li għadda marret id-dar ta’ Busuttil sabiex tiltaqa’ ma’ ħuh.

Hija qalet dan hekk kif kompliet il-kumpilazzjoni tal-evidenza fil-konfront ta’ Busuttil, li jinsab akkużat bil-qtil ta’ Mario Farrugia, li nstab fil-bagoll tal-karozza tiegħu fil-Wied ta’ Ħal Qormi fil-ħamsa ta’ April li għadda.

Meta ġiet mistoqsija fil-Qorti jekk qattx semgħet bl-isem ta’ Mario Farrugia, hija qalet li semgħet bih fl-aħbarijiet.