Il-mara ta’ Zelensky il-mistiedna speċjali tal-President tal-Kummissjoni Ewropea waqt l-Istat tal-Unjoni

Fi Strasburgu, flimkien mal-President tal-Kummissjoni Ewropea, Ursula von der Leyen ingħaqdet magħha Olena Zelenska.

Zelenska hija l-mara tal-President Ukren, Volodymr Zelensky.

Olena Zelenska se tkun il-mistiedna speċjali tal-President tal-Kummissjoni Ewropea, waqt id-diskors tal-Istat tal-Unjoni li se jsir l-Erbgħa filgħodu, fil-Parlament Ewropew fi Strasburgu.

Il-President tal-Kummissjoni Ewropea ħabbret dan permezz ta’ tweet.

Hawnhekk hija qalet li l-kuraġġ tal-poplu Ukren qed jispira lil kulħadd f’kull rokna tad-dinja.

Von der Leyen qalet ukoll li l-Ewropa se tkompli timxi kull pass ma’ dan il-poplu.