AĠĠORNAT: Karkariż ta’ 57 sena jitlef ħajtu wara li waqa’ ħames sulari f’sit ta’ kostruzzjoni

Ħaddiem ta’ 57 minn Birkirkara tilef ħajtu wara li waqa’ għoli ta’ madwar ħames sulari f’sit ta’ kostruzzjoni f’Ħal Qormi.

Il-każ seħħ għall-ħabta tal-10:15 ta’ dalgħodu fi Sqaq iż-Żiemel, limiti tal-Ħandaq.

Membri mid-Dipartiment tal-Protezzjoni Ċivili wettaq operazzjoni sabiex il-katavru tar-raġel jittella’ minn ġo xaft.

Fuq il-post hemm bosta uffiċjali tal-Pulizija kif ukoll membri mid-Dipartiment tal-Protezzjoni Ċivili u tim mediku.

It-triq tinsab magħluqa għat-traffiku.

B’rabta ma’ dan il-każ infetħet Inkjesta Maġisterjali mill-Maġistrat Yana Micallef Stafrace.

Dan filwaqt li l-Awtorità għas-Saħħa u s-Sigurtà fuq il-Post tax-Xogħol, l-OHSA, mistennija tifaħ ukoll inkjesta separata.