Albaniż arrestat b’rabta ma’ delitt doppju u ħruq – se jitressaq il-Qorti aktar tard

Albaniż ta’ sitta u tletin sena ġie arrestat mit-Taqsima tar-Relazzjonijiet Internazzjonali fi ħdan il-Korp tal-Pulizija Maltija, b’rabta ma’ numru ta’ reati.

Huwa ġie arrestat ilbieraħ permezz ta’ Mandat t’Arrest Ewropew maħruġ fuq talba tal-Awtoritajiet fil-Greċja, hekk kif huwa mfittes sabiex jgħaddi proċeduri kriminali b’rabta ma’ delitt doppju u ħruq.

Huwa se jitressaq il-Qorti aktar tard fil-ħdax u nofs ta’ filgħodu, quddiem il-Maġistrat tal-Għassa Dr Noel Bartolo.