Il-plejer tat-tim nazzjonali ta’ taħt l-20 sena Neil Gruppetta se jieħu togħma tal-iskola Żvediża tal-handball għal ftit xhur, hekk kif fi ftit jiem jitlaq għal Stokkolma, l-Isvezja bħala parti minn kollaborazzjoni ma’ Josef Bredell Training Camp u Skogås Handball Club.
Din l-istedina se tagħti lil Neil l-opportunità li jitħarreġ ma’ Skogås Handball Club kif ukoll ma’ xi klabbs oħra bbażati fiż-żona ta’ Stokkolma. Neil Gruppetta dan l-aħħar ġie msemmi fit-tim tal-All-Star tal-kbar mill-Malta Handball Association bħala attakant ċentrali, apparti li rebaħ l-MVP fil-kategorija tal-kampjonat tal-irġiel U21.
Nawguraw li din l-opportunità tal-handball twessa’ l-orizzonti għal Neil u plejers oħra promettenti simili mix-xena tal-handball f’Malta biex jieħdu togħma tal-handball f’ambjenti ogħla u aktar ta’ sfida, li se jikkontribwixxu għat-titjib ġenerali fil-handball milgħub lokalment u fi ħdan it-timijiet nazzjonali.
