L-Erbgħa filgħaxija intlagħbet is-sbatax-il ġurnata tal-kampjonati tat-tieni u tat-tielet diviżjoni tal-Federazzjoni Boċċi.
Fit-tieni diviżjoni Birgu u Birkirkara baqgħu jissieltu għall-ewwel post meta it-tnejn ħarġu rebbieħa.
Birgu għelbu lit-team ta’ San Pawl il-Baħar bil-punteġġ ta’ 21 ma 10 filwaqt li Birkirkara għelbu lil Sta Lucia f’logħba missielta bil-punteġġ ta 21 ma’ 16.
Bormla u Birżebbuġa kisbu rebħiet importanti meta Bormla għelbu lil Cospicua Rangers 21 ma’ 10 u Birżebbuġa f’partita kumbattuta għelbu lil Tarxien 21 ma’ 19.
Bormla u Birżebbuġa jinsabu fit-tielet u fir-raba’ post u biċ-ċans li jilgħabu fil-play offs meta fadal biss 5 partiti biex jiksbu il.-romozjoni ghall-ewewl diviżjoni.
Żejtun u Floriana baqgħu iżommu l-pass 10 punti kull wieħed u żammew it-tamiet tagħhom meta Żejtun għelbu lil Mosta 21 ma’ 9. Floriana għelbu barra min darhom li tim ta’ Santa Venera 21 ma’ 7.
Klassifika (2 Diviżjoni)
Birkirkara 15
Birgu 15
Bormla 11
Birzebbuġa 11
Żejtun 10
Floriana 10
Tarxien 8
Cospicua R 6
St Lucia 5
Thalassalejn 5
St Venera 4
Mosta 1
Fil-kampjonat tat-tielet diviżjoni, Luqa baqgħu fl-ewwel post tal-klassifika wara li barra min darhom għelbu lil Qormi San Ġorġ 21 ma 0
Kalkara żammew il-pass punt taħt il-leaders meta f’partita kontra Hamrun Liberty rebħu 21 ma 13 biex kisbu il 15 -il rebħa tagħhom.
Fgura barra min darhom għelbu lil San Ġwann 21 ma 9 u jinsabu punt il bogħod mill-play offs meta.
Qrendi reġa’ telgħu fir-raba post meta għelbu lil Marsaskala 21 ma 1.
Pieta kisbu rebħa kontra Valletta St Paul’s barra min darhom 21 ma 5 .
Klassifika (3 Diviżjoni)
Luqa 16
Kalkara 15
Fgura 12
Qrendi 10
Qormi S Ġorg 9
San Ġwann 7
Hamrun 7
Valletta SP 5
Pieta 3
Marsaskala 1
