Żebbuġ u Msida żammew l-ewwel post tal-klassifika tal-ewwel diviżjoni tal-Boċċi meta għad fadal biss ħames logħbiet għal tmiem il-kampjonat. Fi tmiem il-kampjonat jibda l-logħob tal-play offs għar-rebh tal-unur.
Fil-logħba li kellhom din il-ġimgħa, Żebbuġ f’darhom għelbu lil Lija 21-7. Min-naħa tagħhom Msida ingħataw rebħa ta’ 21-0 kontra Isla.
Għaxaq baqgħu fit-tielet post b’rebħa fuq Żabbar 21-1. Buġibba għelbu lil Marsamxett 21-2 biex żammew ir-raba’ post.
F’logħob ieħor, Qormi San Bastjan għelbu lil Żurrieq 21-1 filwaqt li St. Peters Żabbar ingħata rebħa kontra Paola Shreiber.
Klassifika (1 Diviżjoni)
Żebbuġ 15
Msida 15
Għaxaq 13
Buġibba 12
Qormi SB 11
St Peters 10
Żurrieq 8
Lija 7
Marsamxett 5
Żabbar 5
Isla 0
Paola Sch. 0
