ARA: Għalfejn kien hemm bżonn 300,000 litru ilma, 10 fire engines u 30 pumpier

• 10 fire engines
• Mat-30 pumpier
• 5 sigħat ta’ ġlied kontra n-nirien
• 300,000 litru ilma
• 2,500 litru foam

Daqshekk kien kbir l-isforz ta-Dipartiment tal-Protezzjoni Ċivili, biex nhar il-Ħadd li għadda ikkontrolla n-niren kbar li ħakmu zona f’Kordin.

Kelliem għad-Dipartiment qal li din kienet operazzjoni kbira, u l-pumpiera ħadmu ħafna biex in-nar ma baqax sejjer u ħakem fabbrika li kien hemm fil-qrib.

Sfortunatament, qal il-kelliem, ftit li xejn seta’ jsir biex ma jaqbdux il-karozzi li kien hemm fiz-zona.

Mistoqsi x’seta kkawża dawn in-nirien, il-kelliem qal li jistgħu jkunu diversi fatturi. Qal ukoll li l-kundizjonijiet sħan tat-temp iwasslu biex meta jkun hemm nirien, dawn jinfirxu ħafna aktar malajr, minħabba n-nuqqas qawwi ta’ umdità.

Dawn ir-ritratti huma indikazzjoni tal-ħidma kbira li kellha ssir.