It-team malti tal-Golf kiseb il-midalja tal-fidda waqt il- European Men’s Team Shield Championship fl-Ungerija. Dan hekk kif fil-finali tilef kontra l-Greċja
Għal Malta din kienet is-seba’ midalja waqt dan l-avveniment importanti mill-2015 ‘l hawn. B’kollox Malta rebħet tliet darbiet il-fidda u erba’ darbiet il-bronż.
REKLAM
SKROLLJA BIEX TKOMPLI
It-team malti kien kompost mill-plejers Andy Borg, Ruud Critien, JJ Micallef u Laurens Schulze Doering.
It-team malti kien immexxi mill-kowċ Justin Waksh, filwaqt li l-president tal-Assoċjazzjoni Maltija Golf William Beck kien magħhom bħala parti mill-kontinġent.
Il-kampjonati kienu organizzati mill-Assoċjazzjoni Ewropea tal-Golf.
