Is-Soċjetà Filarmonika King’s Own b’volum ieħor f’kollezzjoni ta’ CD’s ta’ marċi brijjużi

Is-Soċjetà Filarmonika King’s Own ippublikat volum numru sittax fil-kollezzjoni tagħha ta’ CD’s ta’ marċi brijjużi.  Dan huwa volum speċjali immens fil-forma ta’ double album, b’26 marċ oriġinali miktubin minn surmastrijiet rinomati madwar Malta u Għawdex bil-għan li s-Soċjetà tfakkar it-800 sena mill-mewt tal-Patrijarka, San Duminku (1221 – 2021) u I-450 sena mit-twaqqif tal-Ewwel Parroċċa fil-Belt Valletta (1571-2021) il-bażilika tal-Porto Salvu u San Duminku.

Permezz ta’ dan is-sett ta’ marċi ġodda, qed jingħata nifs ġdid lill-kollezzjoni mużikali tas-Soċjetà Filarmonika King’s Own.  Grazzi għal dan ix-xogħol, is-soċjetà qedha wkoll tinkoraġġixxi t-talent lokali.  L-inawgurazzjoni uffiċjali saret nhar il-Ġimgħa, 29 ta’ Lulju 2022 fis-sede tas-Soċjetà.  Id-double album kien irrekordjat mis-Sur Alan Schembri u l-Banda kienet taħt id-direzzjoni tas-Surmast Direttur tas-Soċjetà, Maestro Dr. John Galea.  Il-membri u l-pubbliku Malti huwa mħeġġeġ jakkwista dan is-CD Album, jew pendrive għall-donazzjoni ta’ €15, mill-King’s Own Band Club, 274 Triq ir-Repubblika, Valletta jew jagħmel l-ordni tiegħu permezz ta’ email: segkobc@gmail.com