Is-sewwieq ġermaniż Sebastian Vettel ħabbar li se jirtira mill-Formula 1 fi tmiem dan l-istaġun. Vettel, li għandu 35 sena, ħabbar dan fuq il-profil tiegħu ta’ Instagram, biex se jtemm karriera ta’ 16-il sena f’dan l-isport.
Huwa rebaħ erba’ darbiet il-kampjonat mat-team Red Bull flimkien ma’ 53 darba l-ewwel post. Total ta’ rebħ li jpoġġieħ fit-tielet post wara l-brittanniku Lewis Hamilton (103) u l-leġġendarju Michael Schumacher (91).
Fil-messaġġ fuq Instagram Vettel irringrazzja lil dawk kollha li għenuh tul il-karriera tiegħu. Qal li issa jrid jibda fażi ġdida f’ħajtu fejn ikollu aktar ħin biex iqattgħu mal-familja.
Vettel beda l-karriera fl-2007 mat-team Sauber biex imbgħad ingħaqad mat-team Toro Rosso (2007-2008). Is-suċċessi waslu mat-team Red Bull (2009-2014). Huwa rebaħ il-kampjonat erba’ staġuni wara xulxin (2010, 2011, 2012 & 2013).
Wara għamel sitt staġuni mat-team Ferrari (2015-2020) biex is-sena l-oħra ingħaqad ma’ Ason Martin.
