Tadotta kelba kbira fl-età biex tgħix l-aħħar snin ta’ ħajjitha maħbuba u fil-kumdità

Sandy hija kelba anzjana li l-ħajja fl-aħħar tbissmitilha hekk kif ġiet adottata għand familha li se ttiha dak kollu li jixirqilha.

Althea Galea, li hi maniġer fi ħdan l-MSPCA, spjegat kif kienet xewqa kbira għal bosta snin li tadotta kelba kbira fl-età, hekk kif dawn il-klieb rari jiġu adottati.

Kien proprju wara li ġiet salvata mill-MSPCA, proprju minn Althea u familtha stess, li nibtet l-imħabba għal din il-kelba fejn wara ftit iddeċidew li Sandy tingħaqad mal-familja tagħhom.

Althea spjegat kif wieħed għandu jagħti ċans lil klieb bħal Sandy hekk kif minkejja ma jkunux ġeru, xorta joffru l-imħabba kollha tad-dinja.