Jinżamm arrestat wara li ġie akkużat bi vjolenza domestika

Nigerjan ta’ 24 sena nżamm arrestat wara  li ġie akkużat bi vjolenza domestika fuq raġel ieħor li kien qiegħed joqgħod taħt l-istess saqaf miegħu.

Fil-Qorti, Michael Ehiafanmere Inetianbor ġie mixli li darab lill-allegat vittma permezz ta’ strument li jaqta’ u bil-ponta.

Huwa ġie akkużat ukoll li ħebb u hedded raġel ieħor, li mar iferraq liż-żewġ persuni.

Dan il-każ allegatament seħħ bejn is-seba’ u t-tmienja ta’ Lulju.

Ir-raġel wieġeb mhux ħati għall-akkużi miġjuba kontrih.