“Tlifna mara li kienet xempju ta’ kif m’għandek taqta’ qalbek qatt u tara t-tazza mimlija”

“Illejla l-lokalità ta’ Marsaxlokk tilef mara kbira. Dr Ethel Vento Zahra kienet xempju ta’ kif m’għandek taqta’ qalbek qatt u tara t-tazza mimlija.”

Hekk sostniet ħabiba ta’ Vento Zahra, dan wara li lbieraħ tħabbret il-mewt tagħha b’bosta fuq Facebook inħasdu bit-telfa ta’ qariba u ħabiba tal-qalb.

Spjegat kif kienet waħda minn ta’ quddiem biex tikkampanja dwar l-għarfiet fejn jidħol il-kanċer tas-sider fejn anke ngħatat midalja għall-Qadi tar-Repubblika fl-2021.

Kienu bosta li sellmu l-memorja ta’ ħabiba u qariba deskritta bħala mara b’qalb tad-deheb li dejjem kienet lesta biex tgħin bi tbissima fuq wiċċha.