Eluf ta’ persuni s-Sibt filgħaxija rħewlha għall-Fosos tal-Furjana għall-kunċert tal-kantant ta’ fama mondjali, Lewis Capaldi.
Dan hekk kif il-kunċert kien l-ewwel wieħed bħala attività tal-massa li ma kellu ebda restrizzjonijiet b’rabta mal-pandemija tal-Covid-19.
Lewis Capaldi huwa kantant Skoċċiż ta’ 25 sena li kiseb fama mondjali fl-2018, fejn hu magħruf sew għall-kanzunetti Someone You Loved, Before You Go u Bruises fost oħrajn.
Kien lejl mżewwaq minn mużika mill-isbaħ b’dawk preżenti ma naqsux milli jkantaw mal-artist u anke jidħqu għal xi ċajta l’hemm u l-hawn li qal fuq il-palk.
Kienu bosta li faħħru l-kunċert li kien wieħed organizzat b’reqqa fejn sostnew kif kien wieħed mistenni ferm hekk kif kien l-ewwel kunċert bħal dak li nafu ta’ qabel il-pandemija.
Ritratt: VisitMalta
