Meta din il-ġimgħa ingħata bidu għat-tieni round tal-kampjonat tal-ewwel diviżjoni tal-Federazzjoni Boċċi, Għaxaq, Żebbuġ u Msida baqgħu jżommu l-ewwel post tal klassifika b’10 punti kull wiehed.
Msida barra minn darhom rebħu lil Żabbar 21 għal 0, filwaqt li Żebbuġ għelbu lil Marsamxett barra minn darhom bl-iskor ta’ 21 għal 6. Min-naħa tagħhom Għaxaq rebħu lil Żurrieq bl-iskor ta’ 21 għal 9.
Buġibba u Lija ingħataw rebħa ta’ 21-0 kontra t-timijiet ta’ Isla u Paola Schreiber (żewġ timijiet li mhux se jkomplu bil-kampjonat).
Qormi San Bastjan għelbu lil St Peter’s Żabbar 21 għal 15 biex żammew il-pass mat-timijiet ta’ fuq.
It-tieni round tal-kampjonati tat-tieni u t-tielet diviżjoni jibda l-Ħamis.
Klassifika (1 Diviżjoni)
Msida 10 punti
Żebbuġ 10 punti
Għaxaq 10 punti
Buġibba 8 punti
Xgħajra 8 punti
Qormi SB 7 punti
Żurrieq 6 punti
Lija 5 punti
Żabbar 4 punti
Marsamxett 3 punti
