Terry Ann Bencini ta’ 92 sena tirbaħ konkors tas-sbuħija

Fi żmien li kienet waħda mill-aktar kantanti popolari f’pajjiżna, bla dubju li esperjenza ta’ palk kellha ħafna wkoll, iżda lbieraħ Terry Ann Bencini esperjenzat il-palk b’mod differenti. Ġewwa l-Imperial Home tas-Sliema, Terry Ann fl-eta’ sabiħa ta’ 92 sena, rebħet konkors tas-sbuħija.

Dan il-konkors kien imtella’ mid-diretturi ta’ Imperial Home, flimkien ma’ Alice Agius li kkordinat is-serata u Ivan Gaffiero li ppreżenta u pproduċa l-konkors. Tnax-il kontestanti ħadu sehem fejn finalment Terry Ann Bencini rebħet il-kategorija tan-nisa, filwaqt li Emanuel Desira rebaħ il-kategorija tal-irġiel. Fis-serata kien hemm ukoll diversi mudelli ta’ Mrs Malta 2022 u ta’ The Grandma of the Year.