Illejla fuq ONE se jixxandar programm ieħor mis-sensiela ‘Brillanti’, bl-isfida issa tkompli tikber.
Joseph Chetcuti qal li fil-programm tal-lejla wieħed se jistenna spettaklu mid-dinja tal-films u ħafna emozzjoni. Se jkompli jispikka t-talent lokali ġdid, b’diversi kapolavuri mużikali u wirjiet ‘brillanti’.
Illum semifinali oħra, filfatt illum se tkun semifinali sabiħa mmens, għa xe tkun ‘Brillanti goes Film’ fejn is-semifinalisti tagħna se joħduna biex noħolmu soundtracks sbieħ ta’ ħafna films immortali u jagħmluhom tagħhom. Ovvjament illum se jkun hemm xi ħadd li jifraħ u se jkun hemm xi ħadd li jippakkja u jmur id-dar. Bħal ma jkun dejjem Brillanti se jkun hemm il-‘Colpo di scena’, dejjem jinqala dak li dejjem ma tkunx qed tistenna. Infakkar ukoll li nfetħu wkoll l-applikazzjonijiet għas-sensiela li jmiss ta’ Brillanti, li se tkun ‘Brillanti goes dance’. Kull min għandu xi tfal, xi neputijiet, li jizfnu, jew inkella f’xi dixxiplina, xi ballet, hip hop, waħidhom u anki bħala koppja, japplikaw, iċemplulna fuq is-sit ta’ Brillanti jew fuq 9922 9011 u juruna it-talent tagħhom. Aħna bħala stazzjon One, kburin li ma niċċarjaw l-ebda application fee, għax dejjem b’idejna miftuħa għat-talent kollu li għandna f’ Malta. F’dan il-każ, iz-zfin. Ghalhekk nistiednu lil ħafna Maltin u ovvjamnet jaraw il-programm tal-lejla.
L-appuntament tagħna llejla huwa għall-programm ‘Brillanti’, li se jixxandar fit-tmienja u nofs fuq ONE.
