It-Tim Nazzjonali Malti tar-Rugby Union 7s kiseb il-promozzjoni għall-Conference 1 tar-Rugby Europe hekk kif rebaħ it-tournament tal-Conference 2 li kienet qed isir f’pajiżna.
Wara li t-tim malti kien rebaħ l-ewwel tliet logħbiet tiegħu li saru s-Sibt, il-Ħadd Malta kisbet żewġ rebħiet oħra, kontra l-Estonja u s-Slovakkja.
L-ewwel logħba tat-team malti l-Ħadd kienet kontra l-Estonja fejn Malta ħarġet rebbieħa bl-iskor ta’ 50 -7.
L-aħħar logħba kienet kontra s-Slovakkja, konfront li kien ifisser l-ewwel post fil-grupp u għaldaqstant il-promozzjoni. Il-maltin reġgħu kienu fi klassi għalihom u ħarġu rebbieħa bl-iskor ta’ 35 -7.
B’hekk il-maltin temmew l-impenji tagħhom b’ħames rebħiet minn daqstant logħbiet u l-ewwel post fil-grupp b’total ta’ 15-il punt biex huma ċ-champions ta’ Conference 2.
Riżultati kollha tal-Ħadd:
Slovakkja v Slovenja 12-5
Estonja v Malta 7-50
San Marino v Kosovo 30-0
Slovenja v San Marino 7-21
Malta v Slovakkja 35-7
Kosovo – Estonja 38-0
Klasisfika finali Conference 2:
Malta 15, San Marino, Slovakkja 11, Slovenja 9, Kosovo 7, Estonja 5.
