Ir-Reġina Eliżabetta t-Tieni mhux se tattendi għas-servizz ta’ ringrazzjament fl-okkażżjoni tal-Ġublew tal-Platinu li se jsir illum fil-Katidral ta’ San Pawl wara li ma ħassithiex f’sikkitha waqt il-parata tal-bieraħ fil-Palazz ta’ Buckingham.
Fi stqarrija maħruġa mill-Palazz, din id-deċiżjoni, ir-Reġina ħaditha kontra qalbha, wara li qisiet l-ammont ta’ ħin li tirrikjedi l-attività.
Minkejja li mhux se tkun qed tattendi għal dan l-avveniment, ir-Reġina bagħtet ir-ringrazzjament tagħha lil dawk kollha li qed jagħmlu din l-okkażjoni waħda memorabbli.
Ilbieraħ ingħata bidu għal erbat ijiem ta’ ċelebrazzjonijiet biex jitfakkru s-sebgħin sena tar-Renju tar-Reġina Eliżabetta, hija dehret darbtejn fil-gallarija tal-Palazz ta’ Buckingham, issellem lill-poplu tar-Renju Unit, flimkien mal-membri tal-familja Rjali.
