Tul dan it-tmiem il-ġimgħa, il-kapitali Maltija se ssir festa ta’ kuluri u attivitajiet għan-Nickelodeon Treasure Hunt.
Għal darb oħra, din l-attività qed issir f’pajjiżna u matulha t-tfal se jkollhom iċ-ċans jiltaqgħu mal-karattri favoriti tagħhom bħal SpongeBob u Paw Patrol.
Il-karattri tant maħbuba miċ-ċkejknin se jkunu f’partijiet differenti tal-Belt, bit-tfal mhux biss jiltaqgħu magħhom iżda jagħmlu kaċċa għat-teżor biex jiksbu kupuni li jissarrfu f’rigali.
Il-qofol tal-attivitajiet jintlaħaq fi Pjazza Tritoni bejn l-għaxra ta’ filgħodu u s-sitta ta’ waranofsinhar.
Il-Ġimgħa kienu qed isiru l-aħħar provi fi Pjazza Teatru Rjal, fejn Russell Samuel, il-Viċi President ta’ Paramount, ta d-dettalji dwar esperjenza ġdida għal Malta.
“We’ve been sliming global stars and kids around the world for decades so we’re really excited to bring our exclusive Nickelodeon Slime Experience to Malta for the first time this year, both for those who are brave enough to be slimed as well as everyone else who will be able to enjoy from a safe distance.”
Il-familji u t-tfal jistgħu jiltaqgħu mal-karattri ta’ Nickelodeon u jieħdu ritratti magħhom bla ħlas.
Se jkun hemm ukoll xows bil-ħlas fi Pjazza Teatru Rjal bejn l-erbgħa u s-sitta ta’ filgħaxija.
Tul it-tmiem il-ġimgħa, il-familji huma mistiedna jiskopru aktar dwar il-Belt Valletta permezz ta’ mappa interattiva li tista’ tinqara minn kodiċi apposta jew minn fuq is-sit www.nicktreasurehunt.com.
“There is a map you can access on your mobile phone, either through the URL nicktreasurehunt.com or through scanning a QR Code that will be promoted throughout the city and that will offer families an exciting treasure hunt challenge through Valletta where they’ll be able to find hotspots to take photos with augmented reality Nickelodeon characters and some of Valletta’s must see location and learn some really fun and fascinating facts along the way.”
Fuq kollox, l-eċitament għal din l-attività huwa d-doppju għax din l-attività se tirritorna wara aktar minn sentejn ta’ pandemija u l-iskop huwa li terġa’ ġġib lit-tfal flimkien f’atmosfera ta’ divertiment għall-familja kollha.
