Ir-raġel ta’ għalliema li nqatlet fl-isparatura f’Texas imut “b’qalb maqsuma”

Ir-raġel ta’ waħda mill-għalliema li nqatlet fl-isparatura li seħħet fi skola f’Texas, miet b’attakk tal-qalb, b’kuġintu tgħid li temmen li miet kawża ta’ qsim ta’ qalb wara t-telfa ta’ martu.

Joe Garcia kien ir-raġel ta’ Irma Garcia, li għal 23 sena għallmet fl-Iskola Robb Elementary.

Garcia kienet waħda minn żewġ għalliema li nqatlet minn aggressur żagħżugħ ta’ 18-il sena li ħalla 21 persuna mejta fosthom 19-il tifel u tifla.