Malta bdiet l-impenji tagħha fil-logħob tal-COJI għal atleti żagħzagh, li qed isiru f’Mallorca fi Spabnja, b’żewġ midalji.
L-ewwel żewġ midalji waslu mill-Atletika. Sonique Gatt rebħet il-midalja tad-deheb hekk kif spiċċat l-ewwel fil-kompetizzjoni tal-Hammer Throw.
Midalja oħra waslet ftit wara minn Kareem Chouhal hekk kif rebaħ il-fidda fix-Shot Put.
Il-kontinġent Malti, akkumpanjat mix-Chef de Mission Nigel McCarthy u Vicky Cutajar Licari mis-Segretarjat tal-KOM, jikkonsisti fi tlieta u erbgħin atleta li se jkunu qed jikkompetu fl-Atletika, Ġinnastika, Għawm, l-Ibburdjar, Karate, , u Table Tennis.
Il-Logħob huwa miftuħ għall-atleti ta’ bejn id-9 u s-17-il sena u Malta ilha tieħu sehem f’dawn il-Logħob mill-2004.
Avveniment li jibqa’ għaddej sa nhar il-Ħadd li ġej.
