Brian Cini huwa ċ-champion nazzjonali tas-snooker hekk kif fil-finali tal-Kampjonat Premier li ntlagħbet il-Ġimgħa filgħaxija fl-akkademja tas-snooker il-Ħamrun, huwa għeleb lil Duncan Bezzina 6-5.
Kienet finali li rat liż-żewġ plejers ikollhom il-mumenti tagħhom, b’Duncan Bezzina saħansitra jmur 5-3 minn fuq u jkun viċin ir-rebħa. Iżda Brian Cini żamm sod u rreagixxa biex mhux biss irkupra l-iżvantaġġ iżda saħansitra ħareġ rebbieħ.
REKLAM
SKROLLJA BIEX TKOMPLI
Għal Cini dan kien ir-raba’ kampjonat Premier mirbuħ fil-karriera u anke żamm ir-rekord pożittiv hekk kif l-erba’ finali li lagħab rebaħhom kollha.
