Brian Cini ghadda għall-finali tal-Kampjonat CE Installations Premier tas-Snooker meta fit-tieni semifinali l-Ħamis filgħaxija għeleb lil Alex Borġ bi skor ta’ 5-4. Kienet semifinali kumbattuta li rat lil Cini jikseb ir-rebħa u jaqta’ passaġġ għall-finali tal-lum kontra Duncan Bezzina.
Din se tkun ir-raba’ finali għal Brian Cini. F’dawn il-finali Cini għandu rekord pożittiv hekk kif fis-snin li ghaddew lagħab tliet finali u kiseb tliet rebħiet.
Min-naħa l-oħra Duncan Bezzina se jkun qed jimmira ghall-ħames titlu fil-karriera. Huwa għadda għall-finali wara li fis-semiifnali tiegħu għeleb lil Aaron Busuttil 5-3.
Il-finali tal-Kampjonat Premier se tintlagħab illejla fis-18.00 fl-Akkademja tas-Snooker il-Ħamrun. Finali li tkun l-aqwa minn 11-il frame u li se tiġi ikkontrollata mir-referee Ivan Attard.
Il-finali se tixxandar dirett fuq il-paġna ufficjali ta’ facebook tal-MBSA.
