Duncan Bezzina għadda għall-finali tal-Kampjonat CE Installations Premier tas-Snooker meta fl-ewwel semifinali l-erbgħa filgħaxija għeleb lil Aaron Busuttil 5-3. Għalih din se tkun id-disa’ finali tal-Kampjonat Premeir u se jkun qed jimmira li jirbaħ il-ħames titlu fil-karriera.
Bezzina jistenna r-rebbieħ tat-tieni semifinali li ssir il-Ħamis fis-18.15 bejn Alex Borg u Brian Cini. Semifinali li se tiddeciedi minn se jkun l-avversarju tiegħu.
Il-finali mbgħad issir għada l-Ġimgħa fis-18.00 fl-Akkademja tas-Snooker il-Ħamrun. Finali li tkun l-aqwa minn 11-il frame u li se tiġi ikkontrollata mir-referee Ivan Attard.
Iċ-Champion il-ġdid tal-isnooker se jiġi ppreżentat bit-trofew il-ġdid tal-Kampjonat Premier hekk kif tintemm il-finali.
Il-partiti kollha jixxandru dirett fuq il-pagna ufficjali ta facebook tal-MBSA.
