Immaġina “Ode to Joy” ta’ Beethoven, bl-istrumenti u r-riżorsi tal-lum, u flok orkestra filarmonika, hemm ċittadini minn Malta–mużiċisti u mhux.
Dan il-proġett li dwaru kellimna Ozzy Lino, kordinatur lokali tal-proġett Citizens’ Orchestra. Proġett li qed jittella’ f’kollaborazzjoni bejn il-Presidenza Maltija tal-Kunsill tal-Unjoni Ewropea, il-Kunsill Malti għall-Arti, Ondamarela, u taħt it-tmexxija tal-kompożitur Tim Steiner.
L-idea hi li fl-erbatax ta’ Mejju jittella’ dan l-ispettaklu, u li fih ikun hemm ċittadini Maltin ta’ kull livell mużikali: professjonisti, dilettanti, u anke dawk li sempliċement jixtiequ jieħdu sehem għall-ewwel darba.
