Mara u l-eks raġel mitluba jroddu lura donazzjoni ta’ €45,000 li ngħataw biex jibdew familja

Mara u l-eks raġel tagħha ġew mitluba li jroddu lura ħamsa u erbgħin elf ewro lil omm il-mara wara li kienet tagħtomlhom biex tgħinhom jibdew familja.

Dan wara li l-Qorti laqgħet it-talba tal-omm.

Il-Qorti mmexxija mill-Imħallef Christian Falzon Scerri, semgħet kif id-donazzjoni tmur lura bejn l-elfejn u ħamsa u l-elfejn u sitta meta l-omm tat lil bintha u lir-raġel tagħha żewġ somom tal-flus li jammontaw għal aktar minn ħamsa u erbgħin elf ewro.