Aktar suċċessi għall-weightlifter Yazmin Żammit Stevens fejn fi tmiem il-ġimgħa li għaddiet inħatret bħala ambaxxatriċi dinjija tal-weightlifting.
Dan seħħ waqt li Żammit Stevens kienet l-Iżvizzera sabiex tikkompeti fl-ewwel kompetizzjoni tal-iStreet Competition organizzata mill-Federazzjoni Internazzjonali tal-Weightlifting. Din il-kompetizzjoni kienet parti mill-inizjattiva li qed tieħu l-federazzjoni internazzjonali sabiex tqarreb dejjem aktar l-isport tal-Weightlifiting lejn il-pubbliku.
Apparti l-weightlifter maltija, żewġ weightlifters oħra inħatru wkoll bħala ambaxxaturi. Dawn kienu ċ-champion Olimpiku Meso Hassona tal-Qatar u Lesman Perez tal-Kolombja, b’dan tal-aħħar huwa l-holder tar-rekord tad-Dinja.
Fil-kompetizzjoni, Yazmin Zammit Stevens ingħaqdet bħala team ma’ Meso Hassona u flimkien rebħu t-titlu overall.
Huma kienu segwieti mit-timijiet tal-Italja u l-Ġermanja.
