Hekk kif għaddejjin ġmielhom it-tħejjijiet għaż-żjara tal-Papa Franġisku f’Malta tħabbret il-kanzunetta uffiċjali ‘Welcome Here’ miktuba minn Fr Rob Galea.
Il-lirika tal-kanzunetta tinvolvi s-suġġett tal-imħabba li għandu l-Mulej lejna bħala proxxmu, deskritta bħala aktar fonda mill-baħar, sinjura aktar mill-istorja ta’ pajjiż u ikbar minn kwalunkwe ħolma li l-bniedem jista’ jkollu.
Din tistieden lil proxxmu biex jiftaħ qalbu mill-ġdid sabiex tkompli tirrenja l-imħabba tiegħu fuq pajjiżna. Il-kanzunetta ssemmi wkoll il-ġenerożità u l-valuri li bħala nies ta’ qalb tajba nkunu lesti li nilqgħu lil kull min hu fil-bżonn.
Bi preparazzjoni għal dan il-Vjaġġ Appostoliku ġew imnedija s-sit papafrangisku.mt u l-paġna ta’ Facebook ‘Pope Francis in Malta‘ fejn ser jittellgħu ritratti u filmati relatati maż-żjara nnfisha.
