Fit-2 ta’ Lulju, il-kantant ta’ fama mondjali, Lewis Capaldi, se jkun qed jagħmel id-debut tiegħu fuq il-Fosos tal-Floriana.
Famuż ferm għall-mużika tiegħu, kemm maż-żgħażagħ kif ukoll ma’ persuni ta’ kull età, Capaldi kien fil-quċċata dinjija permezz tal-kanzunetta ‘Someone You Loved’ li qattgħet sitt ġimgħat fl-ewwel post tal-klassifika tar-Renju Unit.
Fi stqarrija l-Awtorità Maltija għat-Turiżmu sostniet kif fid-dawl ta’ protokolli ġodda b’rabta ma’ avvenimenti b’mistiedna bilwieqfa, Lewis Capaldi se jkun qed ikanta waqt avveniment organizzata bħala waħda li l-mistednin se jkunu bilwieqfa, filwaqt li kollox se jsir skont il-protokolli preżenti.
Iċ-Chairman għall-Awtorità Maltija għat-Turiżmu, Gavin Gulia, spjega kif din se tkun qed tħejji t-triq biex Malta tibqa’ destinazzjoni ideali għall-jiem sajfin għal dawk li huma fanatiċi tal-mużika.
