Ivvutaw 85% ta’ dawk eliġibbli jipparteċipaw fil-votazzjoni bikrija

Fil-votazzjoni bikrija tal-elezzjoni ġenerali li saret matul il-jum tas-Sibt ivvutaw 8,224 persuna.

Dan ifisser li nxteħtu ftit iżjed minn 85% tal-voti eliġibbli biex jivvutaw fil-votazzjoni bikrija.

Dawn kienu jinkludu persuni li se jkunu msefrin jew rikoverati fi sptar nhar is-26 ta’ Marzu u residenti fid-djar tal-anzjani fost oħrajn.

Fi stqarrija, il-Kummissjoni Elettorali qalet li għall-votazzjoni bikrija kien hemm 9,858 persuna eliġibbli biex tivvota.

Sas-sagħtejn ta’ waranofsinhar kienu vvutaw 60% ta’ dawk eliġibbli.