I Am What I Am.
Din hija l-kanzunetta li l-kantanta Emma Muscat ser tkun qed tirrapreżenta lil Malta fil-Eurovision f’Mejju li ġej f’Turin, l-Italja.
Il-vidjo mużikali tal-kanzunetta ħareġ propju t-Tnejn wara nofshinar minn Warner Music fl-Italja, li magħhom Emma Muscat iffirmat kuntratt wara l-parteċipazzjoni tagħha fil-porgramm televiżiv popolari Amici.
Mal-ewwel ftit minuti tal-publikazzjoni, fuq il-midja soċjali bosta Maltin u anke persuni minn pajjiżi oħra, irreaġixxew b’mod pożittiv għall-kanzunetta l-ġdida ta’ Emma Muscat.
Lura fi Frar Emma rebħet il-Malta Eurovision Song Contest fejn rebħet bil-kanzunetta ‘Out of Sight’ wara li kisbet 92 punt.
Emma hija wkoll waħda mill-kompożituri tal-kanzunetta.
I Am What I Am għandha messaġġ ċar ta’ soċjetà inklussiva, pożittività u anke li kulħadd huwa perfett kif inhu.
