Dil-ġimgħa se tasal l-ewwel tifla marida bil-kanċer mill-Ukrajna biex tingħata kura f’Malta

Aktar tard din il-ġimgħa mistennija tasal l-ewwel tifla mill-Ukrajna li hija marida bil-marda tal-kanċer biex tingħata kura f’pajjiżna.

Ħabbar dan il-Prim Ministru Robert Abela fil-ftuħ tad-dibattitu tal-SMEs fejn tkellem dwar is-sitwazzjoni preżenti fl-Ukrajna.

Qal kif it-telf tal-ħajjiet hija l-aktar ħaġa li tnikket lil pajjiżna, b’ħafna familji tkissru f’medda ta’ ftit sigħat mindu bdew l-attakki fl-Ukrajna.

Tkellem dwar l-għajnuna umanitarja li diġà ta pajjiżna u se jkompli jagħti, b’mod partikolari lil persuni li huma morda bil-kanċer b’għajnuna u b’kollaborazzjoni ma’ Puttinu Cares.