Ġurnata important għall-Kampjonat Premier hekk kif wara tlett logħbiet li ntlagħbu fl-istess ħin is-Sibt wara nofs-in nhar ġew deċizi t-timijiet li se jilgħabu fiċ-Championship Pool u r-Relegation Pool.
Birkirkara 1-1 Valletta
Fl-istadium nazzjonali Ta’ Qali, Birkirkara u Valletta spiċċaw fi draw ta’ 1-1. Ddraw li ma kienx bizzejjed għal Valletta li b’dan ir-rizultat se jkunu qed jilgħabu l-aħħar fazi tal-kampjonat fir-Relegation Pool.
Birkirkara fil-vantaġġ fis-26 minuta. Cross għan-nofs ta’ Kurt Zammit, id-difiza beltija ma kklerjatx sew, ballun għand PAUL MBONG li mill-viċin tefa’ ġewwa.
Il-logħba zvolġiet f’waħda interessanti b’Valletta jirnexxielhom isalvaw punt minnha fil-ħin mizjud meta Amara Sylla f’indeċiżjoni kbira rregala l-ballun lil EMMANUEL DAVID PROMISE li minn pożizzjoni ideali tefa’ ġewwa.
BOV Player tal-Logħba: Ivan Curjuric (Valletta)
Gzira Utd 2-1 Sirens
Fit-Tony Bezzina Stadium Gzira Utd għelbu lil Sirens 2-1, bil-gzirjani fic-Championship Pool u Sirens fir-Relegation Pool.
Kienu Sirens li marru fil-vantaġġ fit-43 minuta. Azzjoni li bdiet minn freekick u finalment kien Vitor Vieira li tefa’ fix-xibka.
Gzira ġabu l-iskor indaqs fit-68 minuta.
Cross ta’ Zachary Scerri lejn Toni Kollega li xeħet ġewwa.
Daqqa ta’ ħarta ghal Sirens fit-80 minuta meta tkeċċielhom Adrian Borg.
Gzira approfittaw minn dan hekk kif minuta biss wara marru fil-vantaġġ minn freekick sabiħ ta’ Nikolai Muscat.
BOV Player tal-Logħba: Jonathan Debono (Sirens)
Gudja Utd 1-0 Mosta
Fis-Centenary Stadium rebħa importanti ta’ Gudja Utd fuq Mosta bl-iskor ta’ 1-0, biex Gudja għaddew għal mal-ewwel sitta filwaqt li Mosta fir-Relegation Pool.
Il-goal tar-rebħa ġie skurjat wara biss 4 minuti logħob.
Azzjoni li bdiet minn freekick ta’ Muchardi, taħwida quddiem il-lasta u finalment kien Llewelyn Cremona li kkonkluda għall-ġewwa.
BOV Player tal-Logħba: Llewlyn Cremona (Gudja Utd)
B’hekk it-timijiet li għaddew għaċ-Championship Pool huma: Floriana, Hibernians, Birkrikara, Hamrun S., Gzira Utd u Gudja Utd.
It-timijiet li se jilgħabu fir-Relegation Pool huma: Sirens, Valletta, Mosta, Balzan, Sta Lucia u Sliema W.
