Tħabbret il-mewt ta’ Chris Scicluna fl-età ta’ 62 sena, magħruf sew għas-sehem tiegħu fix-xena mużikali b’mod partikolari għas-sehem tiegħu fil-Eurovision Song Contest flimkien ma’ martu Moira.
Fuq Facebook, martu Moira kienet ħabbret li tilfet lil żewġha, l-akbar ħabib tagħha, missier binthom Michela u d-dell tagħha għal dawn l-aħħar 27 sena.
REKLAM
SKROLLJA BIEX TKOMPLI
Hi spjegat kif qattgħu l-isbaħ snin flimkien b’mod partikolari fil-vjaġġ mużikali tagħhom.
Kienu bosta li sellmu l-memorja ta’ Chris fejn qasmu wkoll uħud mill-esperjenzi tagħhom li kellhom miegħu.
Kien fl-1994 meta Chris u Moira kienu ħadu sehem fil-Eurovision Song Contest bil-kanzunetta ‘More Than Love’ fejn telgħu Dublin jirrappreżentaw lil Malta u kklassifikaw fil-ħames post.
