FERĦA BLA TEMMA: It-tifel li ttella’ minn bir fil-Marokk ġie ċċertifikat mejjet

Fil-Marokk, it-tifel ta’ ħames snin li waqa’ f’bir u dam erbat ijiem maqbud fih, miet.

Ir-Re tal-Marokk qal li sfortunatament it-tifel bl-isem ta’ Rayan, tilef ħajtu wara operazzjoni ta’ salvataġġ li ntemmet is-Sibt filgħaxija u li tellgħet it-tifel.

Jidher li kienet ferħa bla temma, hekk kif it-tifel li ttella’ minn għoli ta’ 32 metru, ġie ċċertifikat mejjet ftit tal-ħin wara.

Għal xi żmien maqbud fil-bir, it-tifel deher li kien baqa’ ħaj.