Żagħżugħ iweġġa’ gravi wara li waqa’ żewġ metri f’sit ta’ kostruzzjoni f’Baħar iċ-Ċagħaq

Żagħżugħ ta’ 22 sena mil-Litwanja weġġa’ gravi wara li waqa’ madwar żewġ metri f’sit ta’ kostruzzjoni.

L-inċident seħħ dal-lejl għall-ħabta tat-tlieta u nofs ta’ filgħodu fi Triq it-Trundiera, limiti ta’ Baħar iċ-Ċagħaq.

Fuq il-post issejħu membri tal-Protezzjoni Ċivili u tim mediku mill-Isptar Mater Dei.

Aktar tard, huwa ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.