Il-kantant Carlos Marin, wieħed mill-erbgħa tal-grupp Il Divo, miet fi sptar l-Ingilterra fl-eta’ ta’ 53 sena. Carlos Marin kien irriżulta pożittiv għall-Covid-19 fis-7 ta’ Diċembru u rapporti qed jgħidu li wara, spiċċa intubat.
Il-kawża tal-mewt tiegħu għada mhux magħrufa għalkemm rapporti qed issostnu li l-kantant miet wara li sofra bosta kumplikazzjonijiet fin-nifs kaġun tal-Covid-19.
Il-kantant Carlos Marin ilu jkanta ma’ sħabu tal-grupp Il Divo għal dawn l-aħħar 17-il sena. Il-kumplament tal-grupp, David, Sebastien u Urs selmu l-memorja ta’ Carlos. Fuq il-mezzi soċjali saħqu li qatt m’hu ser ikun hemm vuċi u spirtu fil-grupp bħal ta’ Carlos.
Segwi hawn lil Carlos Marin mal-grupp Il Divo jinterpretaw White Christmas
REKLAM
SKROLLJA BIEX TKOMPLI
