Tħabbret il-mewt tal-kantant u preżentatur maħbub Enzo Gusman fl-età ta’ 74 sena.
Carmen Gusman ħabbret il-mewt tar-raġel tagħha permezz ta’ post fuq Facebook.
REKLAM
SKROLLJA BIEX TKOMPLI
Hija kitbet li hu ħalla din id-dinja fil-paċi waqt li kien imdawwar mal-eqreb familjari tiegħu.
Enzo Gusman beda l-karriera fix-xandir permezz tal-attur komiku Johnny Navarro u beda fir-redifussion.
Tul il-karriera tiegħu huwa rebaħ il-Malta Song Festival ħames darbiet.
Fost il-kanzunetti li Enzo Gusman jibqa’ jissemma’ għalihom hemm; L-Avukat tal-Karozzin, Fil-Pjazza tar-Raħal, Fis-Sewwa jew fid-Dnewwa u Inħossni Kburi Bik.
Il-Prim Ministru Robert Abela fakkar il-memorja tiegħu permezz ta’ post fuq Facebook.
