F’dehra għall-ewwel darba mal-kuġini tagħha, l-kantanta Amber interpretat ‘cover version‘ tal-kanzunetta popolari tal-Milied ”God Rest Ye Merry Gentlemen”. Fil-vidjo mużikali li jakkumpanja din il-kanzunetta, Amber tidher mal-kuġini Nicole German u Megan Caruana.
Megan mhux wiċċ ġdid mal-udjenza maltija hekk kif hija parti mill-grupp FAITH li ħa l-fama minn XFactor Malta, pero’ għal Nicole din hija l-ewwel esperjenza tagħha fil-pubbliku. Amber hija l-kbira fost dawn it-tliet kuġini b’talent komuni.
”L-idea ilha tberren f’moħħi. Xi Awwissu kont kellimthom dwar l-idea u għoġbithom ħafna…umbgħad jien bdejt naħdem fuq l-arranġament u ltqajna biex niddiskutuh u nqassmuh. Kienet xewqa kbira tiegħi li nagħmel din il-kollaborazzjoni mal-kuġini tiegħi. Lil Nicole, peress li ġdida fix-xena, ridna nikkonvinċuha…u rnexxilna”
Amber – kantanta
Il-filmat tal-kanzunetta bi produzzjoni ta’ Tribe, ġie miġbud fil-Kappella ta’ San Ġiljan fl-Isla.
Tista’ ssegwi din il-kollaborazzjoni bejn dawn il-kuġini, hawn:
