Olandiża ta’ 44 sena allegatament ippruvat iddaħħal f’pajjiżna żewġ kilogrammi droga kokaina.
Fi stqarrija l-pulizija spjegaw li l-Olandiża ġiet arrestata fl-Ajruport Internazzjonali ta’ Malta wara li waslet permezz ta’ titjira minn Brussell.
REKLAM
SKROLLJA BIEX TKOMPLI
Intqal li fuq il-mara kien hemm suspett u wara tfittxija li saret, instabet id-droga li ġġib valur fit-triq ta’ kważi €260,000.
Il-mara ġiet skortata lejn id-Depot fejn inżammet fil-lock-up u llum fis-sagħtejn ta’ waranofsinhar se titressaq il-Qorti quddiem il-Maġistrat Monica Vella.
Dwar dan il-każ infetħet inkjesta Maġisterjali mmexxija mill-Maġistrat Charmaine Galea u hemm diversi esperti jassistuha.
Ritratt: CMRU
