L-artist internazzjonali John Newman, f’kitba permezz ta’ instagram, qal li jinsab eċitat biex lejliet l-ewwel tas-sena jkun f’Malta, għall-ispettaklu nazzjonali organiżżat fil-Belt Valletta.
John Newman ser ikun il-mistieden speċjali, f’ċelebrazzjoni mużikali li ser tilħaq il-qofol tagħha fi Pjazza San Ġorg, il-Belt Valletta fl-aħħar lejl ta’ din is-sena u fl-ewwel minuti tas-sena l-ġdida. Dan ser ikun ritorn b’saħħtu għal dan l-avveniment, hekk kif is-sena li għaddiet dan l-avveniment kellu jitħassar minħabba r-restrizzjonijiet tal-pandemija.
Fost l-aktar popolari mal-udjenzi Maltin, mis-suċċessi ta’ John Newman, insibu ”Love me again”
L-ispettaklu b’xejn ta’ lejliet l-ewwel tas-sena fil-Belt Kapitali huwa organiżżat mill-Aġenzija Kulturali għall-Belt Valletta u huwa parti minn ammont ta’ attivitajiet maħsuba għall-jiem tal-festi bħala parti mill-programm ”Christmas in the City”
