Imut Fonzu l-imprenditur Ħamruniż ta’ qalb kbira

Tħabbret il-mewt ta’ Alphonse Farrugia, imprenditur Ħamruniż.

Huwa miet fl-età ta’ 82 sena u kellu sebat itfal.

Kienu bosta Ħamruniżi li sellmu l-memorja ta’ Fonzu, kif kien magħruf minn kulħadd.

Huwa kien magħruf kemm kien jgħin lin-nies speċjalment fil-komunità Ħamruniża.

Fonzu bena negozju fil-qasam tax-xorb u anki tal-gass.

Huwa kien magħruf bħala Fonzu tal-birra.

Fonzu kien attiv fil-Każin tal-Banda San Gejtanu tant li kien anki Viċi President fil-Kumitat.