Juan, tarbija ta’ ftit aktar minn xahrejn, ħalla din id-dinja fil-lejla tal-Erbgħa 6 t’Ottubru fis-7:10pm. Il-Ġenituri tiegħu, Solange u Antoine Magri b’qalbhom maqsuma ħabbru dan fuq il-midja soċjali, filwaqt li rringrazzjaw lil kulħadd tal-messaġġi u l-appoġġ li rċievew u qed jirċievu f’dawn il-jiem diffiċli filwaqt li b’umilta’ talbu lil kulħadd biex jinżammu fit-talb personali.
L-aħħar tislima liċ-ċkejken Juan, ser tingħata l-Ġimgħa 8 t’Ottubru fit-3:30pm fil-Bażilika ta’ Santa Marija fil-Mosta. Hija x-xewqa tal-ġenituri li tkun tislima kkulurita u flok fjuri, jingħataw donazzjonijiet lil Puttinu Cares li fi kliemhom kienu sostenn ta’ mħabba u għajnuna indeskrivibli.
Intant fuq il-midja soċjali ta’ Puttinu Cares, ukoll ingħatat tislima liċ-ċkejken Juan.
Kuraġġ lill-Ġenituri, il-familja u lil dawk kollha qrib Juan.
